الرخا معربط على مصر

هالي قالت الشوافة، هاد المرة رشيد رخا، رئيس الكونغرس الامازيغي فرسيون تيزي وزو، صدق معلم فبلاست هاد الأحزاب المغربية لي سكتات. السيد فواحد الرسالة بعتها لـ"تريكيل" ناض تايغوت وجمع شي جمعيات ونددو بالإعلام المصري و الفنانين ديالهم، لي وصفو الأمازيغ بالبربر والمتوحشين، وقال بلي هادوك عنصرين. السيد معاه الحق, آو,
شبعو فينا سبان واحنا ساكتين, تكول حنا ماشي امازيغيين، ولا شي حد تسوق لهاد القضية فالمروك.

رخا بقا تيغوت حتا كشكش، وقال بلي السكات ديال هاد المسؤولين خطير، وبين على هشاشة وزيف داكشي ديال القومية العربية لي استوطنات شمال إفريقيا, وقال الرخا للمصريين واش عقلتو راحنا ساهمنا معاكم فبناء الحضارة المصرية.
الرخا فلخر جمع كلشي، وقال خاصنا نقاطعو المنتجات المصرية، الإعلامية والفنية والثقافية... وقال الصمت المغربي هو تزكية للحملة لي ديراها مصر، لي تيشكف ان الامازيغ أمة بدون دولة، والدولة العروبية الحالية ماكادافعش على كرامة الأمازيغ.

شفتي الكورة فين وصلات؟ ها الرخا ناض تيغوت تاهو، وبيناتنا معاه الحق، آو, دوك أتباع فرعون لي الأمازيغ ما خلاو ما ضربوهم يامات زمان، ولاو شابعين فينا سبان، والله يعطينا وجههوم.

http://www.hespress.com/trigil/?cat=17&news=106&type=